Suxestións de outono

Esta semana recibiredes o boletín informativo coas suxestións de lectura para este outono.

Podedes descargalo aquí.


ou velo aquí:

Homenaxeando a Neira Vilas

Na biblioteca podedes atopar estas obras de Neira Vilas. A mellor homenaxe é lelo!!

O libro conta as desventuras dun neno da Galicia interior nos anos 40.
Non é unha obra autobiografica, con todo parte dunha época e un escenario concretos e é un retrato realista dos sentimentos e situacións nas que se atopaba un neno naqueles anos. Mostra a pobreza e a división en estamentos da sociedade que se intensificaba en paisaxes rurais. É unha das obras fundamentais da literatura galega.

Lelo vén sendo aquel amigo de Balbino (o das Memorias dun neno labrego), o que con el xuntaba herbas para o fumazo da noite de San Xoán, o que o salvou de morrer afogado no río, o que soñaba con ser músico, ou mariñeiro ou aviador.

Ruliño é un neno pobre de aldea. No seu proceso de coñecemento do mundo, asistimos con el á súa primeira romaxe, ao descubrimento dun niño de rula, á maxia de verse retratado nun papel brillante ou á fascinación do mundo exótico do circo. Todo son camiños novos por descubrir e neles inexorablemente vai crecendo, porque lle naceu un irmán pequeno que ten que coidar aínda que lle limita as posibilidades de xogo. Ademais, asiste por primeira vez ao universo ata entón alleo da escola.

Sara, unha mestra rural, recorda a Tomás, o seu amor de adolescencia, que marchou para o Brasil con dezanove anos e nunca máis soubo del. Nos días de agosto, sen a compaña dos nenos da escola, dóese da súa soidade e evoca o tempo ido. Son os anos da guerrilla antifranquista, do contrabando do wólfram.

Naqueles anos do Moncho, Moncho enfróntase a unha vida difícil cando estala a Guerra Civil. A súa inocente mirada ve como algúns dos seus veciños se esconden ou desaparecen, e como veñen despois militares preguntando por eles, por "os vermellos". A Guerra cambiará a Moncho ata o punto de facelo madurar moi rápido... e empezará a entender moitas das cousas que están a pasar ao seu arredor.

Relatos breves escritos coa plasticidade e o lirismo maxistral que sempre ofrece Neira Vilas. Vinte contos que amosan unha mestura de desengano, humor e piedade, escritos nun galego rico e expresivo, plástico e rítmico, dunha grande enxebreza sintáctica. No fondo, vinte poemas en prosa debidos á pluma dunha das figuras máis destacadas da narrativa galega.

Xosé Neira Vilas

O autor de Memorias dun neno labrego, o primeiro "best-seller" galego, morreu hoxe na súa casa de Gres - Vila de Cruces (Pontevedra).

O autor de "Memorias dun neno labrego" mantiña unha carreira literaria aínda en activo, e o seu próximo proxecto era a estrea da adaptación teatral de "Querido Tomás", prevista para o próximo 8 de xaneiro en Santiago de Compostela.

Biografía

Bibliografía
Lectura online do web-book  "Memorias dun neno labrego"

25 de novembro

Día Internacional da Eliminación da Violencia contra a Muller

Dende a biblioteca recomendámosche:

Resumo do libro:

Cando aceptou saír con aquel mozo, Marta non sabía que poñía un pé no inferno, e que a partir de entón sería tan doloroso penetrar como tratar de escapar de alí. Esta novela de Pasqual Alapont, escrita ao xeito dun thriller, con psicópata incluído, pon os pelos de pé. Esta é a historia de Marta, unha moza que se enamorou da persoa equivocada; pero tamén é a historia dunha amizade a proba de bombas que cativa pola súa tenrura. O libro complétase con A máscara do amor, un texto no que o psicólogo e criminalista Vicente Garrido analiza os comportamentos de risco que calquera persoa moza debería ter en conta para evitar caer no inferno do maltrato físico ou psicolóxico.

Lecturas terroríficas na nosa biblioteca

Como en cursos anteriores nestas datas a Biblioteca do noso instituto transfórmase para converterse nun espazo cheo de misterio. 

Desde o luns 26 de outubro puidéronse consultar nun expositor especial,  os libros de terror e misterio que temos na nosa Biblioteca.

Recomendacións de lecturas (descargar pdf)

O Samaín

Este ano retomamos as lecturas terroríficas.

Podes atopar nun expositor especial os mellores libros de terror da biblioteca escolar.

A biblioteca, ademais, estará decorada terroríficamente.... Ven e compróbao por ti mesmo!

Ola a todos e todas!

Benvidos/as a un novo curso na biblioteca escolar!
Cal é o obxectivo deste ano?

LER!!..... e gozar lendo!!

Hoxe quero presentarche o segredo para espertar o amor pola lectura. E para iso deixo o decálogo de "Os Dereitos do Lector" creado polo francés Daniel Pennac e ilustrado por Quentin Blake, que se utilizou para unha campaña de animación á lectura que se fixo en Francia en 2009.

Os dereitos do lector foron escritos por Daniel Pennac, quen -no seu libro Como unha novela- recriminou aos adultos que buscan iniciar aos mozos na lectura negándolles os dereitos que precisamente lles farían amar a literatura.

"É máis importante entusiasmar ao alumno para que comece a ler por puro pracer, que pasarse todo un curso machucándoo con lecturas obrigatorias ou tachándolles de bo ou mal estudante"

Os dereitos imprescindibles do lector son:

1.- O dereito a non ler

O dereito a non ler permítenos períodos de dieta, durante os cales non temos ningún libro nas nosas mans, xa sexa porque existen outras obrigacións, outros entretementos ou outros intereses que ocupan o noso tempo, sen deixar por iso de seguir sendo lectores.

2.- O dereito para saltarse páxinas

O dereito para saltarse páxinas bríndanos a liberdade de ler, cunha certa rapidez, textos extensos cuxo contido non é do noso interese na súa totalidade e, aínda que se tratase dunha novela, permítenos seguir o fío da acción e obviar longas descricións ou disquisiciones do autor, que irrompen, inoportunamente, no medio da trama.

3.-O dereito a non terminar un libro.

O dereito a non terminar un libro constitúese nun alivio cando -lectores compulsivos- resúltanos difícil aceptar que ese libro non nos atrapa o suficiente como para terminalo, e ata sentimos algo de "culpa" por non chegar ao final. Segundo Pennac, existiría unha especie de química que non funciona entre a obra e nós lectores; nalgúns casos, volvemos a ela despois de transcorrido un tempo ou, talvez, quede para sempre no esquecemento nun estante da nosa biblioteca.

4.- O dereito para reler.

O dereito para reler desenvolve un bo hábito -especialmente se llo exercita desde a escola- xa que non sempre podemos comprender un escrito a partir dunha primeira lectura. Con respecto ás obras literarias, máis dunha vez descubrimos novas mensaxes despois da relectura dunha novela ou dun conto, feito que se acentúa coa poesía, cuxa relectura non só permítenos descifrar un significado senón que, moitas veces, deléitanos ao volver percorrer os seus versos coa vista.

5.- O dereito para ler calquera cousa.

O dereito para ler calquera cousa fai que, máis dunha vez, empecemos pola lectura de "malas novelas" -especialmente durante a adolescencia- para acceder despois, ás "boas lecturas". Ao dicir de Pennac, "unha das grandes alegrías do pedagogo é -cando está autorizada calquera lectura- ver a un alumno pechar só a porta da fábrica best-seller para subir a respirar onde o amigo Balzac."

6.- O dereito para ler o que me gusta.

O dereito ao bovarismo non é máis que ese primeiro contacto coa obra literaria; a emoción, o sentimento, a confusión da imaxinación coa realidade, a penetración nun mundo diferente do real. As nosas primeiras emocións como lectores, os nosos recordos de lecturas adolescentes e esa sempre válida postura de lector inxenuo, farannos gozar sempre da lectura.

7.- O dereito para ler en calquera parte

O dereito para ler en calquera parte é aprobado e compartido tanto por ávidos lectores como por quen se achega moi de cando en vez á lectura. Non importa onde, o importante é "ler", ata tal punto que, máis dunha vez, a concentración e abstracción do mundo real ao que nos leva a lectura, fai que esquezamos baixar dun colectivo ou de cumprir coa hora dalgunha actividade planeada previamente.

8.- O dereito a "picotear"

O dereito a picotear está estreitamente relacionado coa falta de tempo para ler en forma completa un libro, pero permítenos abrilo en calquera páxina e descubrir alí o comezo dunha posterior lectura ou simplemente a posibilidade de trasladarnos por uns minutos, a outro mundo ou lugar. Moitas veces volvemos a unha lectura xa feita en busca dun dato determinado ou dunha frase lembrada a medias.

9.- O dereito para ler en voz alta

O dereito para ler en voz alta -un exercicio que se perdeu ultimamente nas escolas, pero que os alumnos de calquera idade aprecian e solicitan a miúdo- permite dar vida ao texto e compartilo co grupo. Pennac sostén con certeza que "quen le de viva voz... se le de verdade... se a súa lectura é un acto de simpatía co auditorio tanto como co texto e o seu autor, se logra que se oia a necesidade de escribir e esperta nosa máis escura necesidade de comprender, entón os libros ábrense de pao a pao, e o xentío daqueles que se crían excluídos da lectura precipítanse nela tras el."

10.- O dereito para gardar silencio

Finalmente, no dereito para calarnos, aparece unha vez máis, o acto de ler como un momento de intimidade do que ninguén debe dar explicacións a ninguén... "as nosas razóns para ler son tan estrañas como as nosas razóns para vivir. E a ninguén se lle outorgou poder para reclamarnos contas sobre esta intimidade."

Estes 10 dereitos resúmense nun só deber : non burlarse xamais daqueles que non len se queres que eles un día lean.

Libros que dan a pensar.

Neste repaso aso libros de Filosofía que temos na nosa Biblioteca hoxe acoséllovos algúns títulos pare ler este verán. 

Ler a Ortega y Gasset sempre é un pracer e un desafío intelectual, e a pesar que o seu castelán, as veces, sona un tanto lonxano (pola altura intelectual ou pola distancia histórica) sempre é unha lectura aconsellable.

Tamén invítovos a levar prestado o libro de Manuel Cruz e Manuel Delgado, dous dos pensadores españois contemporaneas que con máis lucidez tratan problemas actuais. 

E, por último, os deixo cun video onde se presenta o intersante libro da sempre clarividente Amelia Valcárcel que leva por título Sexo y Filosofía e trata de introducirnos no mundo de la filosofía dende un punto de vista do xénero.

Libros de Ciencias Sociais.

Na entrada de hoxe vos presentamos algúns títulos que garda a nosa Biblioteca que nos introducen en ciencias como a Psicoloxía, a Socioloxía e a Antropoloxía.

Como podedes ver sobre a mesa da Biblioteca descansan algúns manuais de Psicoloxía, que nos ofrecen unha visión amplia do que é a Psicoloxía como ciencia, ofrecéndonos un amplio panorama das diferentes escolas,  presupostos teóricos e métodos terapéuticos.

Tamén nos gustaría presentarvos a dous figuras imprescindibles se queredes introducirvos no campo da Socioloxía e da Antropoloxía, trátase de Anthony Giddens e Marvin Harris. Os seus manuais foron referencia para moitas xeneracións de estudantes. O primero nos ofreceu unha metodoloxía estructurada das sociedades para buscar unha visión holistica das mesmas e, o segundo, se caracterizou por un enfoque materialista á hora de interpretar as diferentes culturas.

Lecturas, todas elas, moi aconsellables para o alumnado que curse o Bacharelato de Humanidades e Ciencias Sociais.

Por unha Biblioteca chea de tesouros

Para todas as bibliomantes e demais amantes da lectura, as Bibliotecas sempre foron lugares cheos de tesouros agochados. E é así en moitos sentidos, xa que por definición sempre que abirmos un libro e somos quen de descifran o mapa que nos propón atopamos un tesouro que pode ter máis ou menos valor según as nosas inquedanzas.




Mais tamén é verdade que unha boa Biblioteca debería ter entre os seus estantes libros extraordinarios, verdadeiras rarezas que sexan difíciles de atopar. E por eso que propoño a Bibloteca do noso centro a adquisicón de algúns libros excepcionais, que ben considerados tesouros en si. 

O primer libro do que me gustaría falaros é o Libro Vermello de Jung, unha obra fundamental para comprender o pensamento do xenial psiconalísta suizo. O Libro Vermello, na súa edición facímil, nos amosa o espazo da Imaxinación Creadora e coa súa lectura entramos nun fermoso diálogo entre as artes, as ciencias, a filosofía e as culturas arcaicas.

Otro libro que me gustaría ter na nosa Biblioteca é O nacemento do dragón, de Wang Wi, na excelente edición con materiais adxuntos para caligrafiar feita por Kalandraka. Gustaríame lembrarvos que arte da calígrafía, no Lonxano Oriente, é unha técnica sublime de expresión e que con este libro podemos iniciarnos nesta arte así como contemplar algunhas das fermosas caligrafías así como gozar da historia do nacemento do dragón.




 -

Os estantes filosóficos I

Temos a intención de poñer en valor a Biblioteca dende o Departamento de Filosofía, mais cabe aclarar que esta re-valorización do repertorio de lecturas filosóficas ten que vir acompañada dunha forte inversión por parte da Biblioteca para subsanar as eivas que temos na Biblioteca neste ámbito.

Empezaremos a falar do manuais, que son libros académicos que teñen a virtude de situarnos no panorama filosófico, tanto a nivel contextual como terminolóxico. Coido que son de gran utilidade na materia de Historia da Filosofía xa que aportan un soporte pedagóxico básico para entender a vísta de páxaro os plantexamentos dos grandes filósofos e filósofas.

De entre os varios manuais que atopamos nas estanterias, hai certas obras que están incompletas e, particularmente, aconsello a adquisición dos tres volumes de Historia del Pensamiento Filosófico y Científico de Reale y Antiseri (Ed, Herder), xa que é manual de referencia que utilizo para prepara as miñas aulas. Tamén sería moi interesante estudar a compra de Atlas de Filosofía ilustrados xa que son un mágnifico complemento didáctico.

Dende o punto de vista da Ética e da Filosofía política o repertorio de lecturas que atopamos na Biblioteca orbita en torno a figura de Fernando Savater, que é un pensador moi interesante e forma xa parte do canon filosófico penínsular, mais penso que debemos ser quen de abranguer outras temáticas é autores que actualicen a problemática ética. Máis adiante escribirei unha entrada sementando algúns títulos neste terreo.

E, xa para ir rematando a entrada de hoxe, gustaríame facer referencia a algúns libros niezscheanos xa que algúns alumn@s de 2º de Bacharelato están adicando programas de radio na Onda Cosme FM a este autor. Nos anaqueis da Bibloteca atopámonos certos títulos do autor como La genealogía de la moral ou El caminante y su sombra; tambien encontramos algún libro sobre Schoppenhauer que foi, para ben e para mal, un dos mestres de Nietzsche. Por último, tamén traio a colación unha obra que leva por título El Deseo, que nos pon sobre a pista dunha das lecturas máis intrépidas de Nietzsche, a do filósofo francés Guilles Deleuze.

Semana do Libro

Durante a semana do libro pretendemos realizar unha serie de actividades variadas que permitan, tanto ao alumnado coma ao profesorado, crear un clima de convivencia e proximidade.

Coa actividade de Contacontos pretendemos buscar o interese dos nosos alumnos polos contos, como medio de saber máis e de gozar, ben en solitario ou en compañía, creando tamén hábitos de atención e concentración e potenciando a creatividade e a imaxinación.

Preténdese dun modo inconsciente, conseguir beneficios en relación á animación á lectura, intentando favorecer o gusto pola estética dramática e escénica.

Mércores 22: xogos de animación á lectura e á escritura, nos que participaron os alumn@s de 1º e 2º de E.S.O.

Personaxe nas costas:

A cada xogador colócaselle un papel nas costas cun personaxe escrito. Cada xogador debe adiviñar, por medio de preguntas os compañeiros, cal é o seu personaxe. O que responde só debe contestar "si" ou "non".

Adiviñar a frase dun conto mediante mímica.

Durante esta semana cubrimos as paredes do instituto coas recomendaciones lectoras feitas polo noso alumnado. Aquí deixámosvos unha mostra delas:

Xoves 23: Mercadiño intercambio de libros