Chegan as vacacións de verán!

Nuns días chegarán as esperadas vacacións de verán. Nestas datas de merecido descanso para toda a familia animámosvos a que gocedes da lectura
É moi positivo para os vosos fillos que fomentemos a lectura desde idades temperás. Ler en familia é unha actividade saudable.

Non esquezas levar algunha das novidades da biblioteca para ler este verán.!


Podedes descargar aquí o boletín de lecturas

Xornadas portas abertas

Hoxe pola mañá, recibimos ao alumnado das escolas adscritas ao noso IES, que será o alumnado de 1º ESO no vindeiro curso 2016/2017.

Presentámoslles a nosa biblioteca, e falamos con eles do seu funcionamento, e da posibilidade de formar parte do grupo de voluntarios da biblioteca.

Correlingua 2016

Monforte de Lemos: 79 alumnos e alumnas  participaron en actos en prol da lingua galega, tamén realizaron, entre outras actividades, unha visita guiada polo centro histórico de Monforte: logo de baixar ata a praza de España pola costa de Santo Domingo, seguiron pola rúa do Comercio, cruzaron a ponte vella e atravesaron Ramberde cara o edificio multiusos.  A etapa monfortina do Correlingua rematou cun acto presentado polo gurpo Os parentes e  coa actuación do grupo O Pito de Pikaso.

Roteiro de Manuel María en Monforte de Lemos:

Mes das Letras

A obra de Manuel María na biblioteca

Se queredes coñecer máis sobre o autor da Letras Galegas 2016 podedes realizar unha visita virtual a Casa Museo de Manuel María

Tamén podes atopar, na biblioteca, expostos fondos de autores homenaxeados, con motivo das Letras Galegas, nos anos anteriores

Marcapáxinas pola solidaridade

O equipo da biblioteca lanza esta proposta didáctica que xunta a celebración do Día do Libro coa sensibilización dos dereitos da infancia e a recadación de fondos para programas de supervivencia infantil

A actividade consiste na elaboración dun marcapáxinas e a exposición e venta dos mesmos. O Centro fará chegar a cantidade recadada a Save the Children

https://www.savethechildren.es/sites/default/files/imce/docs/viii_marcapaxinas_a_prol_da_solidariedade.pdf

Un dos marcapáxinas feito polos alumnos/as de 1º ESO

Contar contos

Animar a ler desde a oralidad:

Traballar a linguaxe e a expresión oral: contar contos

 

A lingua das bolboretas

SINOPSE

Finais do inverno de 1936. Nun pequeno pobo galego, Moncho, un neno de oito anos, incorpórase á escola por primeira vez, tras unha longa enfermidade. A partir dese momento comeza a súa aprendizaxe do saber da vida da man do seu amigo Roque e do seu peculiar mestre Don Gregorio, que lles inculca coñecementos tan variados como a orixe da pataca ou a necesidade de que as linguas das bolboretas teñan forma de espiral. O 18 de Xullo de 1936 todo romperá: empeza a guerra civil.

TEMÁTICA E OBXECTIVOS

O valor da educación

• Reflexionar sobre a importancia da educación nas nosas vidas.
• Valorar a educación obrigatoria como unha conquista histórica da xente sinxela e non como unha carga.
• Empatizar coa figura do mestre ou profesor, que entrega a súa vida aos demais.

O coñecemento da natureza

• Descubrir a natureza de forma lúdica.
• Fomentar o respecto polo medio ambiente e a biodiversidade.
• Recoñecer as calidades ambientais do medio onde vivimos.

O manto da historia

• Aprender a analizar a historia de forma analítica.
• Coñecer a importancia do contexto histórico no devir de cada persoa.
• Atopar nas xeracións pasadas, recursos, solucións e pistas para comprender mellor o noso mundo e poder así, melloralo.

Semana do libro

A continuación pasamos a detallar o programa que se elaborou, desde o equipo da biblioteca para conmemorar a nosa  Semana do Libro. Na próxima entrada veremos mostras de como foi o desenvolvemento da mesma:

• Proxección da pelicula "A língua das bolboretas"
• Lectura de contos:
• Alumnos/as de 1º e 2º de ESO (Xoves e Venres no 1º recreo)
• Profesores/as (Xoves no 2º recreo)
• Creación de relatos:
• Alumnos/as de ESO e Bacharelato do 19 ó 29 de abril nas clases de Lingua Galega e Lingua Castelá
• Mensaxes en botellas
• Alumnos/as de 1º B de ESO
• Concurso de marcadores
• Alumnos/as de ESO, FPB e Bacharelato
• Marcapáxinas pola solidaridade
• Alumnos de 1º e 2º de ESO
• VIII edición do marcapáxinas pola solidaridade Save the Children. Creación e venda dos marcadores
• Mural artístico: "Que é para ti un libro? (do 20 ó 29 de abril nas titorías)
• Acollida na Biblioteca:
• Novos alumnos/as para o curso 2016-2017 (Xoves 21 abril ás 16:30h)

Suxestións de inverno

Aquí  tedes o novo boletín lecturas de inverno

Semana da prensa

7 ao 13 de marzo

Durante toda a semana imos traballar con xornais nas clases. Substituiremos algúns libros por xornais.

O programa Prensa-Escola, posto en marcha por La Voz de Galicia, achega o rotativo ós rapaces co fin de converter o xornal nun elemento pedagóxico no proceso de aprendizaxe dos alumnos e alumnas. Repartiranse xornais os alumnos e alumnas do centro para que poidan traballar con eles, tanto na aula, como na casa, co obxectivo de ler o xornal, coñecer a actualidade e despertar o sentido crítico dos alumnos e das alumnas.

La Voz de Galicia: Programa Prensa-Escola

   Ademáis ao longo de todo o curso, os alumnos e alumnas traballarán coas actividades propostas dende "El País de los Estudiantes", vinculadas a todas as áreas de coñecemento.

El País de los Estudiantes: recusos útiles
El País de los Estudiantes: suplementos

Club de lectura

Para comentar os libros do club de lectura facer clic na marxe esquerda, na icona de Quorum.

24 de Febreiro - Día de Rosalía

Gran éxito de participación nas actividades convocadas con motivo do día de Rosalía

Manifesto da AELG no Día de Rosalía 2016

Podes consultar o manifesto aquí

Falecemento de Umberto Eco

Morre o pensador e escritor italiano Umberto Eco.

Eco naceu en Alessandría, no norte de Italia, o 5 de xaneiro de 1932.

Estudou Filosofía na Universidade de Turín, onde foi profesor tempo despois.

Entre os seus libros máis destacados están "O nome da rosa" (1980), que vendeu máis dun millón de copias e foi traducida a varios idiomas, e "O péndulo de Foucault" (1988).

"O nome de la Rosa" foi mesmo levada ao cinema nunha película protagonizada por Sean Connery.

"Número cero", a súa última novela publicouse en 2015.

En certa ocasión, Umberto Eco dixo: "O que non le, aos 70 anos viviría só unha vida. Quen le viviría 5.000 anos. A lectura é unha inmortalidade cara atrás"

MOBILIZA ROSALÍA NO NOSO CENTRO

Día de Rosalía de Castro 2016

O 24 de febreiro, celébrase o Día de Rosalía, co gallo da conmemoración do nacemento da poetisa (nesta ocasión cúmprense 179 anos). 

A Asociación de Escritoras e Escritores en Lingua Galega (AELG) convida "á comunidade educativa a que se implique de forma activa nesta festa que celebra o nome e a obra da poeta maior de Galicia, chave mestra da nosa literatura e da nosa conciencia como pobo."

Este ano a súa proposta para ESO e Bacharelato é realizar un "envío masivo e simultáneo dun verso de Rosalía desde os terminais móbiles do alumnado e do profesorado dos centros, baixo a etiqueta #mobilizarosalía. O verso, do poema IV de Cantares gallegos (parte da estrofa 13) é o seguinte:

Trocando en sonrisas / queixiñas e choros

Que se enviaría través das redes sociais, en calquera das súas múltiples aplicacións e formatos, acompañado dunha imaxe alusiva a Rosalía. Esta acción pode realizarse, con autorización previa da dirección do centro e supervisión das/os docentes, durante un período concreto de clase ou no período de recreo."

O noso centro súmase a esta iniciativa e proximamente informarémosvos como a levaremos a cabo.

Día da Ilustración en Galicia, 30 de xaneiro

Coincidindo co nacemento de Castelao, celébrase en Galicia, o día da ilustración.




Desde a biblioteca queremos propoñervos a lectura do libro: El país de las nieblas de Carlos Fidalgo e ilustrado polo profesor de debuxo Juan José Albares Arias